يا حبيبى  يا أغلى ماليا

يا حبيبى يا كل ماليا

يا فرحة عمرى وكنت حلم سنينى الجايه

يا حبيبى خلاص إطمن

قدرت أبعد وقدرت أعند وعنكـ هبعد وأبعد

قدرت أمسح كل اللى بينا

مسحت إسمكـ من تليفونى

ومسحت صورتكـ من عيونى

نسيت همسكـ ونسيت جنونى

مسحت كل اللى ممكن يوصلنى ليكـ

كل اللى ممكن يرجعنى أشتاق إليكـ

أخيراً إتجرأت أخيراً محيت خوفى

محيت ضعفى محيت كل اللى كان

ما بقتش أنا هيا الرقيقه بتاع زمان

محيت كل اللى كان

وفى يوم هقدر أمحى الأحزان

قولت إنى خونتكـ....!!

وبعتكـ وهنتكـ!!!

قولت إنى جرحتكـ كسرتكـ ظلمتكـ!!!

قولت كتيييير وعدت كتيييير

ونسيت إنكـ حبى الأول والأخير

سيبت أبواب ما بينا كتير متواربه

من أى هوااا خايفه عليها

منى عليكـ خايفه منهم ومن كل الحياه

كنت انت كل الحياه

بتوجع لوجعكـ وبموت لحزنكـ بتدبح ببعدكـ

بتكسر بظلمكـ

كنت بتستنالى هفوه عشان تجرى وتقفل بابكـ

لما قفلت الباب قفلته بقسوه

حاولت أفتح أهز الباب أزق الباب

أدخل أبص عليكـ أطمن قلبى بيكـ معرفتش ما قدرتش

وانتَ حتى ما حاولتش تشوفنى تطمنى تدخلنى

حبيبى هقفل أنا كمان

من هنا ههدم بإيدى حلمنا

هحلف خلاص أنا وقلبى ما بقيتش تهمنا

ما بقيتش مننا

ما بقيتش خلاص أنتَ أنا

قالى إنى خونته!!

وأنتَ اللى عالم ياربى باللى قولته

قالى كسرته!!!

وأنتَ عالم ياربى بمكانته

قالى أبعد وأروح

قولت أنتَ نبض الروح

قالى ربنا يسامحكـ

قولتله قلبى أنا مسامحكـ

هعيش بَعدكـ وأيه بُعدكـ؟

هعيش وإنسى هعيش وأقسى

ما عشت قبلكـ حياه

وبعدكـ هتكون حياه

قفلت كمان بابى قدرت على عذابى

فوق بقى يا قلبى وإنسى كتير حاولنا وإقدرنا نقسى  ونقسى

إتعلمت القسوه منكـ

ونسيت القوه عشانكـ

بس خلاص ما بقاش فيه حب ولا إحساس

هتبقى واحد زى كل الناس

هتبقى حد عادى مجرد ماضى

واللى لسا جوايا ليكـ أكيد فى يوم هينتهى بيكـ

من الأول مكونتش لياا ولا كونت ليكـ

والأخر كدا الصح كدا الباب إتقفل

على الحلم وأهو إنكسر

كدا اللى بينا ضاع

ما بقاش فاضل غير كلمة وداع

قولتلى مع السلامه ما قدرتش أقول إستنانى

لمين هعيش يا كل كيانى

ما قدرتش أسكت على ظلمى وعذابى

ياللى ظلمت وهدمت وكسرت

ياللى ببراعه دمرت وأبدت

فوقنا اله الكون رب كبير وكريم

ربنا وحده يعلم جوايا أيه ولمين وليه

مش هتحسبنى ولا بأيدكـ حسابى

يارب يا رحمان نسينى كل اللى كان

وإغفرلى أى زله حصلت منى زمان

يارب يا تواب ريح قلبى من العذاب

يارب يا منان نسينى اللى هان وكسر قلبى

وزرعهولى أحزان

يارب يا قادر قدرنى على البعاد وإبعد عنى العذاب

يارب بلجألكـ بدعيلكـ وبسجدلكـ

قفلت الأبواب ورجعت لنفسى تانى زى زمان

مفيش إنسان يستاهل أعيش عشانه فى أحزان

يارب صبرنى وقوينى وقدرنى